Bu gün UEFA Avropa Liqasında 1/8 final mərhələsinin cavab oyunları keçirilib.
İqtisadiyyat.az xəbər verir ki, Azərbaycan təmsilçisi "Qarabağ" Almaniyada "Bayer"in qonağı olub.
Komandalar arasındakı ilk oyunda qollu bərabərlik qeydə alınıb - 2:2.
Avorpa Liqası
1/8 final mərhələsi, cavab oyunu
14 mart
Bayer (Almaniya) - Qarabağ 3:2
Qollar: Frimponq, 71. P.ŞİK, 90+3, 90+7 - A.Zubir, 58, Juninyo,66
Qırmızı vərəqə: Elvin Cəfərquliyev, 62
Baş hakim: Entoni Teylor (İngiltərə)
İlk oyun 2:2
***
01:31
Almaniyanın "Bayer 04" klubu "Qarabağ"a qarşı keçirdiyi cavab oyununda fərqi azaldıb.
İqtisadiyyat.az xəbər verir ki, matçın 72-ci dəqiqəsində meydan sahiblərinin heyətində Ceremi Frimponq fərqlənib.
Hazırda "Qarabağ" 2:1 hesabı ilə öndədir.
***
01:28
"Qarabağ" "Bayer 04"ə qarşı oyunda azlıqda qalıb.
İqtisadiyyat.az xəbər verir ki, Elvin Cəfərquliyev 62-ci dəqiqədə qırmızı vərəqə alıb.
67-ci dəqiqədə isə Olavio Juninyo növbəti dəfə meydan sahiblərini məyus edib.
Hazırda Azərbaycan çempionu 2:0 hesabı ilə öndədir.
***
01:19
Almaniyada keçirilən "Bayer 04" və "Qarabağ" arasındakı matça hesab açılıb.
İqtisadiyyat.az xəbər verir ki, oyunun 58-ci dəqiqədə Abdullah Zubir fərqlənib və "Qarabağ" səfərdə 0:1 önə keçirib
***
01:05
Almaniyada keçirilən "Bayer 04" və "Qarabağ arasındakı matçda ikinci hissə başlayıb.
İqtisadiyyat.az xəbər verir ki, komandalar ilk yarıya bərabərliklə yollanmışdı.
***
00:49
Almaniyada keçirilən "Bayer 04" və "Qarabağ" arasındakı matçın ilk hissəsi başa çatıb.
İqtisadiyyat.az xəbər verir ki, komandalar fasiləyə qolsuz bərabərliklə yollanıblar.
***
00:00
Bu gün UEFA Avropa Liqasında 1/8 final mərhələsinin cavab oyunları keçiriləcək.
İqtisadiyyat.az xəbər verir ki, Azərbaycan təmsilçisi "Qarabağ" səfərdə "Bayer" klubunun qonağı olacaq. "Bay Arena"da keçirilən qarşılaşma Bakı vaxtı ilə saat 00:00-da start götürəcək.
Qeyd edək ki, Bakıda keçirilən ilk oyunda 2-2 hesablı bərabərlik qeydə alınmışdı.
Avropa Liqası
1/8 finalın cavab oyunu
14 mart
00:00. “Bayer” – “Qarabağ”
Baş hakim: Entoni Teylor (İngiltərə)
Leverkuzen. “BayArena”
İlk oyun – 2:2.
