WUF13-ün uğuru həm də onun cəmiyyətə necə çatdırılmasından asılıdır - Nicat Abdullayev
Bu ilin mayında Bakıda keçiriləcək Ümumdünya Şəhərsalma Forumunun On Üçüncü Sessiyasına (WUF13) hazırlıq çərçivəsində media nümayəndələri üçün təşkil olunan məlumatlandırma tədbirləri mühüm əhəmiyyət daşıyır. Bu cür tədbirlər yalnız texniki məlumatlandırma deyil, eyni zamanda, media ilə şəhərsalma mütəxəssisləri arasında strateji dialoqun formalaşmasına xidmət edir. Jurnalistlərin bu prosesə aktiv şəkildə cəlb olunması, şəhərsalma məsələlərinin elmi, sosial və praktik aspektlərinin geniş auditoriyaya çatdırılması dayanıqlı şəhərlərin qurulmasına töhfə verən əsas amillərdəndir.
