Logo

ÜST-dən deksametazonla bağlı daha bir - Açıqlama


Ümumdünya Səhiyyə Təşkilatının (ÜST) Azərbaycan nümayəndəliyi Covid-19-a yoluxan xəstələrin müalicəsində deksametazondan istifadə ilə bağlı məlumat yayıb.ə

Məlumata görə, preparatdan xəstəliyi yüngül keçirənlər istifadə etməməlidir:

“Deksametazon preparatını Covid-19-lu ağır xəstələr üçün istifadə edin. Birləşmiş Krallıqda aparılan son tədqiqatlar nəticəsində deksametazon preparatının oksigen dəstəyinə ehtiyac duyan COVİD-19-a yoluxan xəstələrdə ölüm riskini azaltdığı məlum olub.

Deksametazon COVID-19-u yüngül keçirən və oksigen dəstəyinə ehtiyacı olmayan xəstələr üçün istifadə edilməməlidir.

Bu məqsədlə istifadə üçün hər hansı bir dəlil mövcud deyil və düzgün şəkildə istifadə edilmədikdə bu preparat ciddi əks təsirlər göstərir”.

Xatırladaq ki, ÜST daha əvvəl koronavirus infeksiyasına qarşı mübarizədə Böyük Britaniyada deksametazon preparatı ilə aparılan kliniki tədqiqatları həyat qurtaran elmi sıçrayış kimi dəyərləndirmişdi. Bildirilmişdi ki, deksametazon kortikosteroidi ilə COVID-19-a yoluxmuş xəstələrdə ölüm səviyyəsi aşağı salına bilər.

Sağlamlıq,
28.06.2020 16:49 1470
Teqlər: