Logo

“Azərxalça” ASC tender elan edir...yeni müəssisə inşa ediləcək


“Azərxalça” ASC İqtisadiyyat Nazirliyi yanında “Sumqayıt Kimya Sənaye Parkı” MMC-yə məxsus 3,8 hektar ərazidə inşa ediləcək Xalça Emalı Müəssisəsinin layihə-smeta sənədlərinin hazırlanması məqsədilə açıq tender elan edib.

İqtisadiyyat.az xəbər verir ki, tenderdə iştirak haqqı 300 manatdır.

İddiaçılar ilkin sənədləri aprelin 15-nə qədər, tender təklifi və onun dəyərinin 1%-i qədər bank təminatını isə aprelin 24-nə qədər “Azərxalça”ya (ünvan: Bakı şəhəri, Nərimanov rayonu, Şəmsi Rəhimov küçəsi, 2) təqdim etməlidirlər. Əlaqələndirici şəxs Emin Vidadi oğlu Xanlarovdur (telefon: (012) 465-66-58, daxili 123).

Təkliflərə aprelin 25-də, saat 11:00-da qeyd olunan ünvanda baxılacaq. Qiymətləndirmə zamanı aşağı qiymət, yüksək keyfiyyət, ixtisas uyğunluğu, müqavilənin vaxtında yerinə yetirilməsi, analoji işlərdə təcrübəsi, texniki imkanları və maliyyə vəziyyəti kimi meyarlara üstünlük veriləcək. İddiaçıların səlahiyyətli nümayəndələri tender prosedurunda iştirak edə bilərlər.(report)

,
30.03.2019 11:24 182
Teqlər: İqtisadiyyat, tender, müəssisə,