Logo

Azərbaycandan Türkiyəyə gedən turistlərin sayı açıqlanıb


2020-ci ilin fevral ayında Azərbaycandan Türkiyəyə 52 143 turist səfər edib. Bu, 2019-cu ilin fevral ayı ilə müqayisədə 3,13 faiz çoxdur.

Bu barədə Trend-ə Türkiyə Mədəniyyət və Turizm Nazirliyindən bildiriblər. Hesabat dövründə Türkiyəyə səfər etmiş əcnəbilər arasında Azərbaycan vətəndaşlarının payı 3,01 faiz təşkil edib.

2020-ci ilin yanvar-fevral aylarında Azərbaycandan Türkiyəyə 106 931 turist səfər edib ki, bu da ötən ilin müvafiq dövrü ilə müqayisədə 9,72 faiz çoxdur. 2020-ci ilin yanvar-fevral aylarında Türkiyəyə səfər etmiş əcnəbilər arasında Azərbaycan vətəndaşlarının payı isə 3,04 faiz təşkil edib. Nazirliyin məlumatında qeyd edilir ki, 2020-ci ilin fevral ayında Türkiyəyə 1,733 milyon turist səfər edib ki, bu da ötən ilin yanvar ayı ilə müqayisədə 3,76 faiz çoxdur. Qeyd edək ki, 2019-cu ildə Azərbaycandan Türkiyəyə 901 723 turist səfər edib ki, bu da 2018-ci illə müqayisədə 5,03 faiz çox olub. Bu dövr ərzində Türkiyəyə gələn xarici vətəndaşların ümumi sayında Azərbaycan vətəndaşlarının payı 2 faiz təşkil edib.

Turizm,
24.03.2020 11:19 335
Teqlər: