Logo

Azərbaycan əhalisi nağd avro alışını azaldıb


Bu ilin yanvar-sentyabr aylarında Azərbaycanda banklar tərəfindən əhaliyə satılan nağd avro kütləsinin həcmi 428 068,0 min avro təşkil edib ki, bu da 2018-ci ilin müvafiq dövrünə nisbətən 50 496,0 min avro və ya 10,6% azdır.

Redaktor.az-ın Azərbaycan Mərkəzi Bankının dərc etdiyi göstəricilər əsasında apardığı hesablamalara görə, cari ilin sentyabr ayında ölkə əhalisi tərəfindən 39 163,0 min həcmində avro alınıb. Bu isə avqust ayına nisbətən 903 min avro və ya 2,3% az, cari ilin əvvəli ilə müqayisədə isə 2 680,2 min avro və ya 7,3% çoxdur. Ötən ay əhali tərəfindən avro alışı 2018-ci ilin analoji ayı ilə müqayisədə 148 min avro və ya 0,4% artıb.

Bundan başqa, yanvar-sentyabrda ölkə əhalisinin banklara satdığı nağd avro kütləsinin ümumi həcmi 152 234,0 min avro təşkil edib ki, bu da 2018-ci ilin müvafiq dövrünə nisbətən 28 383,0 min avro və ya 15,7% azdır.

Kommersiya bankları tərəfindən sentyabrda əhalidən alınan nağd avronun məbləği 16 589,0 min avro təşkil edib. Bu göstərici əvvəlki ayla müqayisədə 5 399,1 min avro və ya 3,8% artıb, cari ilin əvvəlinə nisbətən isə 73 186,0 min avro və ya 5,4 dəfə azalıb. Ötən ilin sentyabr ayı ilə müqayisədə bu göstərici 4 176,0 min avro və ya 33,6% azalıb.

Beləliklə, cari ilin yanvar-sentyabr aylarında Azərbaycanda əhali tərəfindən nağd avronun alışı satışı iki dəfədən çox üstələyib.

Bank,
01.11.2019 12:07 15
Teqlər: İqtisadiyyat.Az, bank,