Logo

Audi Q7 mükafatlandırdı!


Hər il ənənəvi olaraq Audi AG dünyamiqyaslı və tanınmış avto- jurnallar tərəfindən mükafatlar qazanır.

Yerli bazarda “bestseller” hesab olunan Q7 krossoveri də bu il mükafatsız qalmadı. Amerikanın nüfuzlu jurnalı "Car & Driver"in redaktorları artıq 3-cü dəfə Q7 krossoverini “10 Best Truck & SUV of the Year” mükafatına layiq görüblər. Mükəmməl idarəetmə, cəlbedici eksteryer dizaynı və 3-cü sıra ilə təchiz olunması sayəsində Q7 bu il də mükafatlandırılıb. Qaliblər necə seçilir? Seqmentə aid olan kriteriyalar nəzərə alınaraq, testlər keçirilir. Xüsusi test yürüşlər üçün treklərdə avtomobillərin performansı yoxlanılır.

Audi Q7 modelini test edən redaktorlar həmçinin bu krossoverdə lüks seqmentin komfortu, mükəmməl idarəetmə dinamikası və ən son texnoloji üstünlüklərin mükəmməl balansını qeyd etmişdilər. Qeyd edək ki, yerli bazarda böyük maraq ilə qarşılanan Q7 modeli yerli auditoriya tərəfindən sürücülük dinamikasına, güclü mühərrik performansına, güvənli təhlükəsizlik reytinqinə və ailə üçün komfort interyerinə görə yüksək qiymətləndirilir. Avtomobilin geniş baqaj imkanları, 3cü sıra oturacaqları və sərfəli yanacaq sərfiyyatı bu krossoveri uzaq səyahətlər üçün mükəmməl edir. Ölkəmizdə bu avtomobilin qiyməti 53.900 avrodan başlayır və 5 il zəmanət ilə təklif olunur. Ekspertlərin seçimi və tövsiyələrinə əməl edərək, keyfiyyətli və tələblərinizə uyğun avtomobil seçmək daha asandır.

Avto,
24.10.2019 10:49 24
Teqlər: