Logo

Prezident və Birinci vitse-prezident 14 yaşlı azərbaycanlını təbrik etdilər - FOTOLAR


Prezident İlham Əliyev və Azərbaycan Respublikasının Birinci vitse-prezidenti Mehriban Əliyeva Şahmatçı Aydın Süleymanlını təbrik ediblər.

İqtisadiyyat.az xəbər verir ki, dövlət başçısı A. Süleymanlını Hindistanda oğlanlar və qızlar arasında keçirilən şahmat üzrə dünya çempionatında 14 yaşlılar arasında qələbə qazanmağın münasibətilə təbrik edib.

Təbrikdə qeyd edilib ki, A. Süleymanlı ilk turlardan yarışa liderlik edərək turniri qələbə ilə başa çatdırıb: “Sən həmyaşıdların arasında şahmat üzrə dünya çempionu adını qazanaraq şahmat tariximizdə daha bir parlaq səhifə açdın. Sənə ən xoş arzularımı yetirir, yeni-yeni qələbələr diləyirəm”.

Azərbaycan Respublikasının Birinci vitse-prezident Mehriban Əliyevanın rəsmi “Instagram” səhifəsində edilən paylaşımda deyilir:

“Yeniyetmə şahmatçımız Aydın Süleymanlının Hindistanda 14, 16 və 18 yaşlı oğlanlar və qızlar arasında keçirilən şahmat üzrə dünya çempionatının qalibi olması xəbəri hər birimizə ancaq qürür və sevinc hissi yaşada bilər. Dünya çempionu titulu uğrunda yarışlarda qələbə qazanmağı münasibətilə Aydını ürəkdən təbrik edir, ona yeni-yeni nailiyyət və qələbələr arzulayıram!”.

Sosium,
13.10.2019 12:17 39
Teqlər: