Bakıda Türkmənistan Mədəniyyət Günləri keçiriləcək.

İqtisadiyyat.az xəbər verir ki, bu barədə AMEA prezidenti, akademik İsa Həbibbəyli bildirib.

Akademik İsa Həbibbəyli bildirib ki, Bakıda keçiriləcək Türkmənistan Mədəniyyət Günləri çərçivəsində bu ölkənin bir sıra ictimai-siyasi xadimləri Azərbaycana səfər edəcək və bu istiqamətdə Türkmənistan Elmlər Akademiyasının prezidenti professor Allahverdi Aşirov da AMEA-nın qonağı olacaq.

Akademik qeyd edib ki, professor Allahverdi Aşirovla Rəyasət Heyətində, Akademiyanın elmi müəssisələrində görüşlər təşkil olunacaq və onun iştirakı ilə AMEA-nın Nizami Gəncəvi adına Ədəbiyyat İnstitutunda Məhdimqulu Fəraqi Türkmən Ədəbiyyatı Mərkəzinin açılış mərasimi və “Məhdimqulu Fəraqi və Azərbaycan ədəbiyyatı” mövzusunda beynəlxalq elmi konfrans keçiriləcək.

Bildirilib ki, AMEA Rəyasət Heyəti tərəfindən professor Allahverdi Aşirovun səfərinin yüksək səviyyədə təşkili barədə müvafiq qərar qəbul olunub.