Türkiyə Mərkəzi Bankı (TCMB) uçot dərəcəsini 50% səviyyəsində saxlayıb.

İqtisadiyyat.az xəbər verir ki, bu barədə qurum məlumat yayıb.

"Son göstəricilər birinci rüblə müqayisədə daxili tələbatın azalmasına işarə edir. Lakin aprel ayında istehlak mallarının idxalı artaraq cari əməliyyatlar balansının yaxşılaşmasını məhdudlaşdırıb. Pul siyasətinin sərtləşdirməsinin kreditlərə və daxili tələbata təsiri diqqətlə izlənilir.

İdarə Heyəti, monetar sərtləşdirmənin gecikmiş təsirlərini nəzərə alaraq siyasət faizini sabit saxlamağa qərar verib, lakin inflyasiya ilə bağlı yüksəliş risklərinə qarşı ehtiyatlı mövqeyini bir daha təkrarlayıb. Əgər inflyasiyanın əhəmiyyətli artması gözlənilsə, pul siyasətinin mövqeyi sərtləşdiriləcək", - məlumatda deyilir. 

Qeyd edək ki, bank daha əvvəl uçot dərəcəsini 5 faiz bəndi artıraraq 45%-dən 50%-ə yüksəldib.

 

Gözəl Həşimova