Sabah 14 fevral – Sevgililər Günüdür. Əlamətdar gün münasibətilə bəzi mağazalar şəbəkəsi xüsusi hazırlıqlara və endirimlərə start verib. Artıq bir çox müştərilər endirimli kampaniyalardan yararlanmağa başlayıblar. Buna görə də bir çox satış mərkəzlərinin qarşısında izdiham müşahidə olunur.

İqtisadiyyat.az ölkənin bir neçə mağazalar şəbəkəsi arasında Sevgililər Gününə həsr olunmuş endirim kampaniyaları barədə sorğu keçirib.

“Baku Electronics” Sevgililər Gününə özəl olaraq “#SevginiGöstər” şüarı ilə xüsusi endirimlər təqdim edir. Mağazalar şəbəkəsindən verilən məlumata görə, 9-17 fevral tarixlərində məhsullara 50%-dək endirim və 30 ayadək hissəli ödəniş imkanı təqdim edilir: “Endirimli qiyməti 3 aya bölmə imkanı, eləcə də bütün məişət texnikası, TV və kondisionerlər ilkin ödənişsiz, faizsiz, komissiyasız 24 aya əldə etmək fürsəti təqdim edirik. Transport ilkin ödənişsiz, faizsiz 15 ay, smart-saat və aksesuarlar ilkin ödənişsiz, faizsiz 18 ay, laptoplar, smartfonlar və planşetlər ilkin ödənişsiz, faizsiz 18 ay, bütün “Apple” məhsulları ilkin ödənişsiz, faizsiz 18 aylıq ödənişlə təqdim edilir. Ev əşyaları və mebellərdə isə 50 %-dək endirim, endirimli qiyməti 3 aya bölmə və ilkin ödənişsiz, faizsiz, komissiyasız 30 ayadək hissəli ödəniş imkanı, eləcə də mebel dəsti alanlara müxtəlif hədiyyələr təqdim ediləcək”.

Bütün məhsulları smartfon daxil komissiyasız edən “İrşad” mağazalar şəbəkəsi də Sevgililər Gününə xüsusi hazırlaşıb. Burada da smartfonlar faizsiz 12 aya ilkin ödənişsiz, komissiyasız, notbuklar 12 aya faizsiz, komissiyasız, ilkin ödənişsiz, məişət texnikası 18 aya faizsiz, komissiyasız, ilkin ödənişsizdir. Əlavə olaraq nağd alışa 50%-dək endirim təklif edilir. Mobil tətbiq alan isə 2 qat bonus (azn olaraq) qazanacaq.

“Sevdiklərinizi sevindirməyin tam zamanıdır” deyən “Elit Optimal”da isə 8-14 fevral tarixlərində 50%-dək endirim, müxtəlif hədiyyələr, eləcə də 18 ayadək taksit fürsətləri təklif edilir.

“Kontakt Home”dan isə bildirilib ki, artıq fevralın 2-dən Sevgililər Gününə özəl olaraq ölkədəki mağazalarda, o cümlədən kontakt.az onlayn mağazasında xüsusi kampaniya elan edilib: “Ürəyinə toxun” adlanan kampaniya fevralın 18-dək davam edəcək. Kampaniya çərçivəsində qüvvədə olan 50%-dək endirimlər hər növdə məhsulları əhatə edir. Bundan başqa hissəli alışla məhsul edən müştərilərimizi düşünərək şərtləri bir qədər də sərfəli etdik. Belə ki, artıq smartfon, notbuk, planşet hətta apple brendinə aid məhsulları ilkin ödənişsiz, 18 ay faizsiz; smart saat, qulaqlıq, ev tekstili, məişət texnikası, qab-qacaqları və digər rəqəmsal aksesuarları ilkin ödənişsiz, faizsiz hələ üstəlik komissiyasız imkanlarla almaq mümkündür. Mebellər üçün isə tam 24 aylıq ilkin ödənişsiz, faizsiz və komissiyasız şərtlər keçərlidir”.

“Sabina” parfurmeriya mağazalar şəbəkəsinin aid olduğu “ADORE Kompani”dən isə endirimlərlə bağlı heç bir məlumat verilməyib. Şirkətin nümayəndəsi müştəriləri endirimlərin olub-olmadığı barədə məlumatlandırmaqdan çəkinib. Mağazalar şəbəkəsinin təmsilçisinin sorğuya cavab verməkdən yayınması isə heç bir endirimin olmadığı kimi anlaşıla bilər. Məlumat üçün bildirək ki, bir müddət əvvəl sosial mediada və mətbuatda “Sabina” parfurmeriya mağazalar şəbəkəsinin bağlandığı barədə məlumatlar yayılıb.

Sadiq Cavadov