“Rabitəbank” ASC 2023-cü il üzrə maliyyə göstəricilərini açıqlayıb. 

İqtisadiyyat.az xəbər verir ki, 2023-cü ilin IV rübündə bankın xalis mənfəəti 13,06 milyon manat təşkil edib. Bu isə ötən ilin III rübü ilə müqayisədə 22% və ya 3,7 milyon manat azdır. 

Ötən ilin ilk doqquz ayında bankın xalis mənfəəti 16,8 milyon manat təşkil edib. 

Bu dövrdə bankın istehlak kreditlərinin həcmi 239,6 milyon manat təşkil edib ki, bu da ötən ilin III rübü ilə müqayisədə 1,7 milyon manat azdır. 2023-cü ilin III rübü üzrə bu rəqəm 241,3 milyon manat təşkil edib. 

Hesabat dövründə həmçinin bankın balans kapitalında azalma müşahidə edilib. “Rabitəbank”ın balans kapitalı III rübdəki 119,5 milyon manatdan, bu ilin əvvəlinə 116,4 milyon manata enib. Bu isə 2,6% və 3,1 milyon manat azalma deməkdir. 

Həmçinin, bankın bölüşdürülməmiş mənfəəti 2 dəfəyə yaxın azalaraq 7,7 milyon manatdan 3,9 milyon manata enib.