Qazaxıstanın Ukraynadakı səfirliyi həmvətənlərinə təhlükəsizlik baxımından Odessa və Xarkov vilayətlərini tərk etməyi tövsiyə edib.

İqtisadiyyat.az xəbər verir ki, bu barədə diplomatik korpusun "Telegram" kanalında bildirilib.

"Ukraynanın Odessa və Xarkov vilayətlərində artan gərginlik və qeyri-sabit təhlükəsizlik vəziyyəti ilə əlaqədar Qazaxıstan Respublikasının Ukraynadakı Səfirliyi Qazaxıstan vətəndaşlarına bu bölgələri tərk etmək barədə düşünməyi tövsiyə edir", -  dərc olunan mesajda deyilir.

Səfirlik qazaxıstanlılara Ukraynadan Qazaxıstana iki quru marşrutdan, Polşa və ya Moldovadan keçməklə, sonra isə kommersiya hava yolu ilə getməyi tövsiyə edib.

Diplomatik nümayəndəlik xatırladıb ki, Polşadan keçəcəyi təqdirdə Qazaxıstan vətəndaşlarının Şengen vizası olmalıdır.