İran prezidenti Ayətullah İbrahim Rəisi Rəcəb Tayyib Ərdoğanı yenidən Türkiyə Respublikasının Prezidenti seçilməsi münasibətilə təbrik edib.

İqtisadiyyat.az-ın İran mediasına istinadən verdiyi məlumata görə, Rəisi, bildirib ki, iki ölkə arasında iqtisadi, siyasi, mədəni və ticarət əlaqələrinin yüksəlişi ilə yeni mərhələ olacaq:

“Qarşıdakı dövrdə İran İslam Respublikası ilə Türkiyə Respublikası arasında dostluq münasibətləri möhkəm tarixi, mədəni, dini əlaqələr, mehriban qonşuluq, qarşılıqlı hörmət və ümumi maraqlar yaranacaq.”

O, həmçinin iki xalqın maraqlarının daha da güclənəcəyini, iki ölkə arasında sıx əməkdaşlığın sülhün, sabitliyin və regionun inkişafının möhkəmləndirilməsi üçün daha münasib şərait yaradacağını bildirib.