Dünyada ən çox qızıl ehtiyatına sahib olan ölkələrin siyahısı açıqlanıb.
İqtisadiyyat.az xəbər verir ki, bu barədə Ümumdünya Qızıl Şurası ölkələrdə mövcud olan qızılın miqdarı ilə bağlı statistikasını təqdim edib.
Dünyanın nə böyük qızıl ehtiyatına malik dövləti Amerika Birləşmiş Ştatlarıdır. Burada ilk dəfə 1933-cü ildə qızıl fondu yaradılıb. 1946-cı ildə qızıl ehtiyatı ABŞ tarixinin ən yüksək həcminə – 20 min 205 tona çatıb.
Ən çox qızıl ehtiyatına sahib 10 ölkə isə bunlardır:
ABŞ: 8,133 ton
Almaniya: 3,353 ton
İtaliya: 2,452 ton
Fransa: 2,437 ton
Rusiya: 2,333 ton
Çin: 2,192 ton
İsveçrə: 1040 ton
Yaponiya: 847 ton
Hindistan: 801 ton
Hollandiya: 612 ton
Türkiyə: 479 ton
Qeyd edək ki, qızıl ehtiyatı dövlətlərə maliyyə siyasətini həyata keçirmək və fövqəladə hallar zamanı ən zəruri ehtiyaclarını ödəmək üçün lazımdır. Buna görə də dünyanın əksər dövlətlərinin qızıl fondları mövcuddur.
1987-ci ildə yaradılan Ümumdünya Qızıl Şurası ölkələrdə mövcud olan qızılın miqdarı ilə bağlı statistika aparır.
Gözəl Həşimova