"Bona Dea" Məhdud Məsuliyyətli Cəmiyyəti növbəti dəfə məhkəməyə verilib.
İqtisadiyyat.az xəbər verir ki, klinikaya qarşı daha bir keçmiş işçisi - Nəzərova Şirin Nəbi qızı məhkəmədə iddia qaldırıb.
O, işdən haqsız yerə çıxarıldığını bildirib. Ş.Nəzərova işə bərpa olunması və işdən çıxarıldığı müddət üçün əməkhaqqı tələbi irəli sürüb.
İş hazırda apellyasiya mərhələsindədir.
Klinikanın sabiq işçisinin şikayəti Bakı Apellyasiya Məhkəməsində hakim Namiq Cəfərovun sədrliyi ilə araşdırılacaq.
Xatırladaq ki, bundan əvvəl də klinikaya qarşı keçmiş işçisi Yusifova Vəfa Məhəbbət qızı eyni məsələ ilə bağlı məhkəmədə iddia qaldırıb.
