“Xınalıq və Köç yolu” Dövlət Tarix Mədəniyyət və Etnoqrafiya Qoruğunda Mədəniyyət evinin bərpasına başlanılır.

İqtisadiyyat.az xəbər verir ki, Dövlət Turizm Agentliyi hazırda bərpa istiqaməti üzrə layihə smeta sənədlərini hazırlayacaq şirkət axtarır.

Agentlik layihə smeta sənədlərinin hazırlanmasına maksimum 48.937,75 manat vəsaitin sərf olunacağını ehtimal edir.

Qeyd edək ki, ötən ilin sentyabrın 4-də Prezident İlham Əliyevin sərəncamı ilə Dövlət Turizm Agentliyinin tabeliyində “Xınalıq və Köç yolu" Dövlət Tarix Mədəniyyət və Etnoqrafiya Qoruğu yaradılıb. Sentyabrın 18-də UNESCO-nun Ümumdünya İrs Komitəsinin 45-ci sessiyasında “Xınalıq və Köç yolu mədəni landşaftı” UNESCO-nun Ümumdünya irs siyahısında daxil edilməsinə dair qərar qəbul edilib.

Yeni qoruq ərazisi Xınalıq kəndini və 6 rayonun ərazisindən keçən, 200 km-dən çox uzunluğu olan Köç yolunu əhatə edir.