Ağ Ev hesab edir ki, respublikaçıların nəzarətində olan ABŞ Nümayəndələr Palatasında Ukraynaya dəstək üçün əlavə maliyyənin ayrılması ilə bağlı qanun layihəsi səsə qoyulsa, təsdiqlənəcək.

İqtisadiyyat.az xəbər verir ki, bu ikirləri jurnalistlər üçün keçirilən müntəzəm onlayn brifinqdə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.

"Biz Konqresi, xüsusən də, əlbəttə ki, Nümayəndələr Palatasını prezident Co Baydenin əlavə milli təhlükəsizlik maliyyəsi tələbi ilə irəliləməyə çağırmağa davam edirik", - Kirbi Kiyevə kredit şəklində yardım göstərilməsinin mümkünlüyü barədə suala cavab verib.

Qeyd edək ki, Konqresin aşağı palatası müvafiq qanun layihəsini dəstəkləmir. Kirbinin sözlərinə görə, ABŞ administrasiyası kredit ayrılmasını Ukraynaya dəstək göstərməyin ən yaxşı yolu hesab edir.

"Yenidən Senatda dəstək tələb edəcək yeni yardım paketini qəbul etmək əvəzinə, biz, əlbəttə ki, Nümayəndələr Palatasının sadəcə olaraq əlavə yardım tələblərini dəstəkləməsinə üstünlük verərdik", - diplomat qeyd edib.